ارنا نے المنار ٹی وی کے حوالے سے رپورٹ دی ہے کہ حزب اللہ نے ایک بیان جاری کرکے کہا ہے کہ انسان دوستانہ امداد لے جانے والے غیر فوجی بحری جہاز پر حملہ بین الاقوامی قوانین اور اصول وضوابط نیز انسانی قدروں کی کھلی خلاف ورزی ہے۔
حزب اللہ نے اپنے بیان میں کہا ہے کہ امریکا کی کھلی حمایت، بین الاقوامی نظام کی شرمناک مشارکت اور غزہ ميں مظلوم فلسطینی عوام کی نسل کشی پر مبنی اس حکومت کے جرائم پرعرب حکومتوں کی خاموشی نہ ہوتی تو غاصب صیہونی حکومت اس جرم کا ارتکاب نہیں کرسکتی تھی۔
حزب اللہ لبنان نے اپنے بیان میں غاصب صیہونی حکومت کے اس جرم کی عالمی سطح پر اور عرب ملکوں کی جانب سے وسیع مذمت کا مطالبہ کیا ہے۔
حزب اللہ نے اسی کے ساتھ مذکورہ بحری جہاز، اس کے عملے کے افراد اور اس میں موجود انسان دوستانہ امور میں فعال کارکنوں کی حفاظت پر زور دیا ہے اور کہا ہے کہ غاصب صیہونی حکومت چند برس قبل بھی غزہ کے لئے انسان دوستانہ امداد لے جانے والے "ماوی مرمرہ " نامی بحری جہاز پر حملہ کرکے اس جہاز میں موجود بہت سے لوگوں کو شہید کردیا تھا۔
آپ کا تبصرہ